ညစ်တစ်တစ် ALBUM တစ်ခု
တည်ရှိပေးရင်ပြည့်စုံပါပြီ
နေတစ်လုံးပိုလဲ ဒီမြေပုံကြမ်းကြီးထဲမှာဘဲ
ပတ်ဝန်းကျင်ရဲ့ ရစ်သမ်ညစ်ညစ်တွေက
ငါ့အတွက်တော့ ရှင်သန်မှုပေါ့
ကန္တာရထဲက ငါ့အတွက်
ဘုရားသခင်ကတောင် အိုအေစစ်တစ်ခုနဲ့
မိတ်ဆွေဖွဲ့ပေးခဲ့ပါသေးတယ်
သူဟာတိမ်ပြာလိပ်တွေကို ဖန်ဆင်းစေတဲ့
ငါ့ဘ၀ရဲ့ တစ်ဦးတည်းသော ဧ၀လေးပေါ့
သူ့ရင်ထဲမှာလဲ ငါ့အတွက်
တိမ်ရုပ်လေးတွေ ရေးဆွဲခဲ့သလို
ငါ့ရင်ထဲမှာလဲ သူအတွက်
နှင်းဆီခင်းကို ပျိုးလို့သာပေါ့
ငါနဲ့မိတ်ဆွေမဖြစ်ခဲ့တဲ့ ကြမ္မာနတ်သားဟာ
ငါ့ရဲ့ဧ၀လေးကို `သူမ´မသိသေးတဲ့
ဘာသာစကားတွေနဲ့ ဖျားယောင်းခဲ့လေရှဲု
အလင်းဝင်တဲ့ ဖလင်လိပ်နဲ့
ငါသိပ်ချစ်တဲ့ ဧ၀ လေးကို
ကမ္ဘာတစ်ခုဆောက်ပေးခဲ့တယ်လေ . . . ။
(ငါ့ဥယျာဉ်ထဲမှာတော့ နှင်းဆီပင်တွေ အပွင့်ပျောက်ခဲ့ပေါ့ )
(...............................................................................)
မြူခိုး
၂၀၀၂ ခုနှစ်က ORION သူငယ်ချင်းများနှင့် ထုတ်ဝေခဲ့သော စာအုပ်လေးမှ -
No comments:
Post a Comment